Օբամայի եղբայրը դավաճանում է իրեն

ԱՄՆ նախագահ Բարաք Օբամայի խորթ եղբայրն իր աջակցությունն է հայտնել ԱՄՆ-ի նախագահական մրցապայքարում դեմոկրատների մրցակցին՝ Դոնալդ Թրամփին՝ խոստանալով ներկա գտնվել Հիլարի Քլինթոնի հետ որոշիչ հեռուստաբանավեճին: Ինչպես  հայտնում է  Lenta.ru-ն, այդ մասին Մալիք Օբաման հայտնել է The New York Post-ին տված հարցազրույցում: «Ես չափազանց ուրախ եմ, որ ներկա եմ լինելու հեռուստաբանավեճին: Թրամփը կկարողանա Ամերիկան կրկին հզոր դարձնել»,-ասել է գործող նախագահի ազգականը: Մալիք Օբաման նաև քննադատել է պետքարտուղար եղած ժամանակ Հիլարի Քլինթոնի վարած քաղաքականությունը՝ նրան մեղադրելով Մերձավոր Արևելքում ստեղծված իրավիճակի ու Լիբիայի նախկին ղեկավար Մուամմար Քադաֆիի սպանության համար: