«Դրսից սադրանք է եղել» ․ Ալիև
Ադրբեջանի նախագահ Իլհամ Ալիևը հայտարարել է, որ Թուրքիայի կողմից խոցված ռուսական Սու-24 ինքնաթիռի հետ կապված միջադեպի ժամանակ դրսից սադրանք է եղել։ Այս մասին նա հայտարարել է «Ռուսաստանն այսօր» լրատվական գործակալության գլխավոր տնօրեն Դմիտրի Կիսելյովին տված հարցազրույցում։ Ադրբեջանի նախագահի խոսքով՝ տվյալ միջադեպին մասնակից են եղել ուժեր, որոնց անհանգստությամբ են հետևել Մոսկվայի և Անկարայի մերձեցմանը։ Նա ընդգծել է, որ Ռուսաստանի և Թուրքիայի միջև հարաբերությունների բարելավումն արդարության վերականգնում է, ինչը վերացրեց «ողբերգական թյուրիմացությունը»։ Ալիևն ընդգծել է, որ ռուսական ռազմական ինքնաթիռի հետ կապված միջադեպը չէր բխում Թուրքիայի շահերից։
«Ես կարծում եմ և համոզված եմ, որ սադրանքներ տեղ գտել են։ Որովհետև ռուս-թուրքական հարաբերությունների բնույթը և ոգին բոլորովին չէին ենթադրում նման տեսակի արձագանք»,-հավելել է Ալիևը։
Հետևեք մեզ Viber-ում
