Մոսուլից կարող է փախուստի դիմել մոտ 1 մլն մարդ
Ինչպես նշում է The Daily Mail-ը, մինչ քրդական զորամիավորումներն ու իրաքյան զորքերը համատեղ ուժերով փորձում են ԻՊ ահաբեկչական խմբավորման անդամներից մաքրել իրաքյան Մոսուլը, ակնկալվում է, որ եկող մի քանի օրվա ընթացքում այնտեղից փախուստի կդիմի մոտ 1 մլն մարդ ,միևնույն ժամանակ մարդասիրական կազմակերպությունները նախազգուշացրել են, որ Մոսուլը վերադարձնելու համար պայքարը կարող է դառնալ պատմության ընթացքում վատագույն մարդասիրական ճգնաժամերից մեկի առաջացման պատճառ: Կազմակերպությունների ներկայացուցիչների խոսքերով՝ իրենք արդեն տանում են անհրաժեշտ նախապատրաստական աշխատանքներ ներքին տեղահանվածներին օգնելու համար: Նրանք նաև հավելել են, որ իրավիճակն առավել բարդացնում է այն փաստը, որ առջևում ձմեռ է: «Նրանք, ովքեր կփախչեն Մոսուլից, ըստ ամենայնի, չեն կարողանա հագուստից բացի իրենց հետ որևէ այլ բան վերցնել: Իսկ դա նշանակում է, որ սննդի, խմելու ջրի ու կացարանի հարցը պետք է լուծվի»,-նշել է Նորվեգիայի փախստականների խորհրդի ներկայացուցիչ Բեքի Բաքր Աբդուլան:
Հետևեք մեզ Viber-ում
