Ադրբեջանը կանդամակցի՞ ԵԱՏՄ-ին
Ադրբեջանի նախագահ Իլհամ Ալիևը «Ռուսաստանն այսօր» գործակալության ղեկավար Դմիտրի Կիսիլյովին տված հարցազրույցում ասել է. «Ադրբեջանը հետևում է եվրասիական տարածքում գործընթացներին: ԵԱՏՄ-ին ինտեգրվելու համար պետք է տնտեսական, սոցիալական, քաղաքական մոտիվացիա լինի:Չի կարելի բացառել, որ Ադրբեջանն ապագայում կանդամակցի ԵԱՏՄ-ին»: «Այս թեմայով խոսակցություններ վաղուց կան փորձագիտական հանրությունում և տարբեր երկրների քաղաքական էլիտաներում: Այսպես ասեմ՝ մենք մեզ լավ ու վստահ ենք զգում ներկայիս կարգավիճակում: Այդ պատճառով դեռ պետք է հետևենք, թե ինչպիսի միտումներ կլինեն: Իհարկե, եթե միությունը գրավիչ լինի, ապա շատերը կձգտեն այնտեղ: Այնպես որ, չի կարելի ոչինչ բացառել:Այսօր ԵԱՏՄ երկրների հետ տնտեսական, նաև քաղաքական համագործակցության ձևաչափը շատ ամուր է: Ինտեգրացիոն ճանապարհով գնալու համար, իհարկե, մոտիվացիա է պետք: Այն կարող է լինել տնտեսական, սոցիալական, քաղաքական, ցանկացած այլ: Մենք հիմա աշխատում ենք այդ ուղղությամբ», - հավելել է նա:
Հետևեք մեզ Viber-ում
