Բախում՝ մինչև տարեվերջ

Այս տարվա չորրորդ եռամսյակում կաճեն Սիրիայում Մոսկվայի և Վաշինգտոնի զինված ընդհարման ռիսկերը՝ կարծում են ամերիկյան մասնավոր հետախուզա-վերլուծական Stratfor ընկերության վերլուծաբանները։ Փորձագետների կարծիքով՝ մինչև տարեվերջ ԱՄՆ-ը կկենտրոնանա Մոսուլում և Ռաքքայում ԴԱԻՇ-ի դիրքերի վրա հարձակվելու ուղղությամբ։ Համաձայն կանխատեսման՝ Վաշինգտոնի ու Մոսկվայի համագործակցությունն անմիջապես մարտի դաշտում կլինի նվազագույն, քանի որ երկու կողմերն այժմ ամենաքիչն են հետարքրքված դիվանագիտական ճանապարհով սիրիական ճգնաժամի ապաէսկալացիայով։ Ռուսաստանը կպահպանի ռազմական մարտավարություն՝ հրաժարվելով «դիվանագիտական վեճերից», մինչդեռ ամերիկյան կողմը պատրաստ չէ «կառուցողական գործարքի»՝ գործող նախագահի լիազորությունների ավարտի պատճառով։ «Չորրորդ եռամսյակում բախման պոտենցիալը կմեծանա՝ հաշվի առնելով, որ Վաշինգտոնը ուժեղացնում է սուննի ապստամբներին Սիրիայում և հրաժարվում Մոսկվայի հետ երկխոսության քաղաքականության առաջնահերթությունից»,- նշվում է ընկերության կանխատեսման մեջ։ Միևնույն ժամանակ, իրավիճակի վրա ազդում են նաև տարածաշրջանային այլ խաղացողները։ Իրավիճակը բարդացնում է մարտի դաշտում թուրքական զորքերի ներկայությունը, որոնք կշարժվեն Սիրիայի հարավ՝ ամերիկյան հովանավորությամբ նվազեցնելու Ռուսաստանի հետ բախման ռիսկերը։ Միևնույն ժամանակ Վաշինգտոնի դաշնակիցները Պարսից ծոցի երկրներից իրենց խաղն են իրականացնում Իրանի դեմ։ Նրանք փորձում են շահել Ռուսաստանի և ԱՄՆ-ի հակասություններից և ուժեղացնել իրենց սուննի կողմնակիցների դիրքերը։ Այսպիսով, Stratfor-ը կանխատեսում է, որ մինչև տարեվերջ Ռուսաստանի և ԱՄՆ–ի միջև ռազմական բախման ռիսկը կմեծանա պայմանավորված նրանով, որ քանի դեռ ԱՄՆ–ը ուժեղացնում է սուննի ապստամբների դիրքերը և Ռուսաստանի հետ երկխոսությունը զրկում է առաջնայնությունից։ Իրավիճակը բարդացնում է նաև Թուրքիան, որն այս պահին ցամաքային գործողություններ է իրականացում Սիրիայում և ԱՄՆ աջակցությամբ շարժվում է դեպի հարավ։ «ԱՄՆ–ը կհարձակվի Մոսուլում և Ռաքքայում ԻՊ դիրքերի վրա, իր ջանքերը կկենտրոնացնի Սիրիայի հակամարտության լուծման, ինչպես նաև Ռուսաստանի հետ համագործակցության նվազագույն մակարդակի պահպանման վրա, որպեսզի նվազագույնի հասցնի բախման ռիսկը։ Մոսկվան այդ ժամանակ ջանքեր կգործադրի Հալեպի մոտ լոյալիստների դիրքերի ամրապնդման համար, որպեսզի մեծացնի իր ազդեցությունը մարտի դաշտում և ամրապնդի դիրքերը ԱՄՆ նախագահի հետ հաջորդ բանակցություններում»,– հայտնում է Stratfor–ը։ Գերտերությունների բախումը Սիրիայում, այսպիսով, որևէ ոչ միայն շարունակվում է, այլև չեն երևում հաշտեցման եզրեր։ Մի ամբողջ երկիր է հողին հավասարվել, իսկ Ռուսաստանն ու ԱՄՆ-ը` համառ պայքար են շարունակում միմյանց դեմ: Համաձայնության գալու հույսերն ավելի ու ավելի են նվազում: Մետաքսյա Շալունց