Սիրիայի ընդդիմությունը հրադադարի կոչ է արել
Սիրիայի ընդդիմադիր և հեղափոխական ուժերի Ազգային կոալցիայի կայքը հայտնում է,որ ղեկավար Անաս ալ-Աբդան Լոզանի հանդիպման մասնակիցներին նամակով կոչ է արել հասնել մարտական գործողությունների և «հարկադրաբար վերաբնակեցման» պրակտիկայի դադարեցմանը: «Ազգային կոալիցիայի ղեկավար Անաս ալ-Աբդան նամակ է գրել բարեկամական երկրների նախարարներին, որոնք մասնակցում են շվեյցարական Լոզանի հանդիպմանը, որտեղ հաստատել է Սիրայում մարտական գործողությունների դադարեցման անհրաժեշտությունը, հատկապես Հալեպում, ինչպես նաև տեղային հրադադարների չճանաչումը, որոնք հանգեցնում են ստիպողական վերաբնակեցման և ժողովրդագրական կազմի փոփոխության»,- հաղորդում են ընդդիմադիրները:
Ալ-Աբդան պահանջել է հասանելիություն բացել հումանիտար օգնության համար բոլոր պաշարված բնակավայրերում, իսկ Իրաքից և Լիբանանից շիա աշխարհազորին կոչ է արել լքել Սիրիայի տարածքը: Իրաքի աշխարհազորը և Լիբանանի «Հըզբոլլահ»-ը կռվում են կառավարական ուժերի կողմից:
Հետևեք մեզ Viber-ում
