Սասուն Միքայելյան. Սեյրան Օհանյանը վատ նախարար չի եղել
«Ժամանակ»-ը զրուցել է «Սասուն» ջոկատի հրամանատար, «Քաղաքացիական պայմանագիր» կուսակցության անդամ Սասուն Միքայելյանի հետ: Խոսելով ՏԻՄ ընտրությունների մասին, Միքայելյանն ասել է. «Իսկ Վանաձորում և Գյումրիում տեղի ունեցածը մեծ չի հուսահատեցնում, մեզ համար ավելի պարզ դարձավ, թե ինչ ռազմավարություն պետք է ընդունենք։ Ժողովրդի պահանջն է՝ համախմբվեք: Դա պետք է վերանայվի, շատ հնարավոր է»։ Թերթի հարցին՝ ինչպե՞ս եք գնահատում պաշտպանության նախարարության փոփոխությունները։ Արդյո՞ք հույս կա, որ թերացումներն այս փոփոխություններով կշտկվեն, նա պատասխանել է. «Ամեն բնագավառի նախարարի պետք է հնարավորություն տան, որ լիարժեք ազատ գործի։ Այդպիսի բան չկա մեր երկրում՝ լիակատար ազատություն չկա իր բնագավառում գործելու։ Ինչ վերաբերում է պաշտպանության նախարար Սեյրան Օհանյանին, նա իմ հարազատ ընկերն է, պատերազմն իրար հետ ենք անցել։ Շուշիի մարտական գործողությունների ժամանակ Ս. Օհանյանը եղել է մեր հրամանատարը։ Նա վատ նախարար չի եղել։ Նախարարի ոչ զինվորական լինելը մեզ օգուտ չի բերի։ Կառավարությունները փոխվում են, ոչ ոք պատասխանատվություն չի կրում։ Հայաստանի կառավարությունը սարքել են թատերաբեմ, դերասանները նույնն են, տարբեր սցենարներով հանդես են գալիս»: Մանրամասները՝ թերթի այսօրվա համարում:
Հետևեք մեզ Viber-ում
