Ֆրանսիայում լույս է տեսել Ֆրանսուա Միտերանի` սիրուհուն ուղղված նամակների հավաքածուն
Ֆրանսիայի հանգուցյալ նախագահ Ֆրանսուա Միտերանին անվանում էին ֆրանսիական քաղաքականության «մեծն գայթակղող» : Այսօր` նրա մահվանից 20 տարի անց, հրապարակվել են Միտերանի սիրային նամակները: Ինչպես գրում է Euromag-ը, Ֆրանսիայի տարվա գրական սենսացիան այս շաբաթ լույս տեսած «Աննին ուղղված նամակների» հավաքածուն է: Գրքում ավելի քան 1200 նամակ է ընդգրկվել, որոնք Միտերանն ուղարկել էր իր գաղտնի սիրուհուն Անն Պենժոյին, որը նաև իր որդու մայրն էր: Նամակները նա ուղարկել է 1962-ից մինչև իր կյանքի վերջը` 1996 թվականը: Նամակներում բացահայտվում է սիրահարված Միտերանի այն գծերը, որոնք նախագահը երբեք ցույց չէր տալիս հանրության առաջ: Նամակները լի են սիրով, քնքշությամբ և հավատարմությամբ և գրված են մի լեզվով, որը հիացմունք է առաջացնում գրական քննադատների շրջանում: Գրքի հրատարակումը պայմանավորված է Միտերանի ծննդյան 100 տարվա առթիվ:
Հետևեք մեզ Viber-ում
