Աշխարհում գլոբալ անվտանգության համակարգը փլուզված է. Նիկոլայ Բորդյուժա
«Աշխարհում գլոբալ անվտանգության համակարգը փլուզված է Մենք ապրում ենք բարդ ժամանակներում, ինչը վերլուծության չի ենթարկվում: Անվտանգության ոլորտում ինչ-որ ալգորիթմ ստեղծելն էլ, հետևաբար, հեշտ չէ: Ընդհանուր առմամբ, փլուզված է գլոբալ անվտանգության համակարգը, դադարեցված են առաջատար միջազգային խոշոր խաղացողների միջև կապերը, երկխոսությունն ահաբեկչության դեմ պայքարի, թմրանյութերի անօրինական շրջանառության և այլ մարտահրավերների վերաբերյալ», - Երևանում ասաց ՀԱՊԿ գլխավոր քարտուղար Նիկոլայ Բորդյուժան` «ՀԱՊԿ դերը Եվրասիական անվտանգության ամրապնդման գործում» քննարկմանը: Ըստ Նիկոլայ Բորդյուժայի՝ ականատեսն ենք մի շարք հակասությունների, երբ, օրինակ, որևէ պետություն հանդես է գալիս ահաբեկչության դեմ պայքարի դիրքերից, բայց զինամթերք է մատակարարում ահաբեկչական խմբերի: «Անտրամաբանական քայլեր կան, որոնք միջազգային հարաբերություններում են ի հայտ գալիս», - ընդգծեց նա:
Հետևեք մեզ Viber-ում
