Բրազիլիան հակատանկային համակարգեր կուղարկի Ադրբեջանին

Բրազիլական GESPİ ընկերությունը բանակցություններ է վարում Ադրբեջանին սեփական արտադրության հակատանկային համակարգերի մատակարարման վերաբերյալ, հայտնում է Jane’s Defence Weekly պարբերականը։ Խոսքը 84-միլիմետրանոց ALAC (Arma Leve Anti-Carro) հակատանկային համակարգի մասին է։ Ներկայումս ընկերությունն ավարտում է բանակցությունները Մեքսիկայի հետ՝ նման 1200 համակարգեր մատակարարելու վերաբերյալ։ Իրաքը պատվիրել է նման 2000 համակարգեր։ Ադրբեջանը ծրագրում է ձեռք բերել 50 հակատանկային համակարգեր, այնուհետև դրանք արտադրել սեփական գործարաններում։