Ամերիկուհին քաղցկեղի պատճառով կորցրել է ոտքը, սակայն շարունակում է զբաղվել բալետով. լուսանկարներ

ԱՄՆ Միսուրի նահանգի բնակչուհի Գաբի Շալը 9 տարեկան հասակում կորցրել է ոտքի մի մասը, քանի որ տառապել է օստեոսարկոմայից`ոսկրի սարկոմայից, որի պատճառով վնասվել է նրա ծունկը: Boredpanda.com-ը գրում է, որ քաղցկեղը հայտնաբերվել է, երբ Գաբին չմշկասահքից վնասվածք ստանալուց հետո ռենտգենի է ենթարկվել: Քաղցկեղը հայտնաբերելուց հետո բոլորին թվում էր, թե Գաբին այլևս ի վիճակի չի լինի զբաղվել պարով, սակայն ժամանակակից վիրահատությունները շտկել են ամեն ինչ: Նշվում է, որ վիրաբույժներն աղջկա ոտնաթաթը 180 աստիճան անկյան տակ միացրել են նրա ծնկին, այնուհետև հատուկ պրոթեզ են տեղադրել: Այժմ 15-ամյա աղջիկը հաճախում է բալետի, հիփ հոփի, չեչոտկայի, ջազի, ժամանակակից ու լիրիկական պարերի դասընթացների, ինչպես նաև մասնակցում է պարային մրցույթների: Գաբին չի սահմանափակվում անհատական պարապմունքներով, նա նաև հանրօգուտ գործունեություն է ծավալում. աղջիկը The Truth 365 մանկական քաղցկեղի իրազեկության կազմակերպության խոսնակն է: