Սահակաշվիլիի կուսակցությունից դիտորդների են ծեծել

Վրաստանում հոկտեմբերի 8-ին անցկացվող խորհրդարանական ընտրությունների ընթացքում երկրի նախկին նախագահ Միխայիլ Սահակաշվիլիի «Միացյալ ազգային շարժում» ընդդիմադիր կուսակցությունից դիտորդների են ծեծել: Այս մասին գրում է Գրուզիա Օնլայնը՝ վկայակոչելով «Ռուսթավի 2» հեռուստաալիքը: «Երբ դիտորդները հեռացել են ընտրատեղամասից եւ ուղղվել դեպի տուն, նրանց չորս ավտոմեքենա է հետեւել: Տուն հասնելու ճանապարհին անհայտ անձինք նրանց ծեծի են ենթարկել: Դեպքի վայր պարեկային ոստիկանության բրիգադներ են ժամանել: Տուժածները հայր եւ որդի են»,- հաղորդել է հեռուստաալիքը: Հիշեցնենք, որ հոկտեմբերի 8-ին Վրաստանում խորհրդարանական ընտրություններ են անցկացվում, խորհրդարանի 100 պատգամավորներ ընտրվելու են համամասնական ընտրակարգով (կուսակցական ցուցակներով), իսկ 50-ը՝ մեծամասնական (միամանդատ ընտրատարածքներով)։ Հիմնական պայքարը ծավալվում է վերջին չորս տարիներին իշխող «Վրացական երազանք - Ժողովրդավական Վրաստան» կոալիցիայի ու նախկին նախագահ Միխայիլ Սահակաշվիլու (ներկայում Ուկրաինայում զբաղեցնում է Օդեսայի նահանգապետի պաշտոնը, հայրենիքում նրան սպառնում է կալանք՝ հարուցված քրեական գործի շրջանակում) «Միացյալ ազգային շարժման» միջեւ։