Վրաստանի նախագահն ու վարչապետն այցելել են ընտրատեղամասեր՝ կատարելով իրենց ընտրությունը

newsgeorgia.ge կայքը հայտնում է,որ  Վրաստանում խորհրդարանական ընտրությունների անցկացման կապակցությամբ բոլոր ընտրատեղամասերը բացվել են Թբիլիսիի ժամանակով առավոտյան ժամը 07:00-ին :Հայտնի է, որ երկրի նախագահ Գեորգի Մարգվելաշվիլին և վարչապետ Գեորգի Կվիրիկաշվիլին արդեն մասնակցել են ընտրություններին: Պաշտոնյաները նշել են, որ քվեարկել են ավելի ազատ, կայուն ու ժողովրդավար Վրաստանի ապագայի համար: Կենտրոնական ընտրական հանձնաժողովի մամուլի խոսնակ Աննա Միկելաձեի փոխանցմամբ՝ քվեարկության պաշտոնական մեկնարկը տրվել է ժամը 8-ին: Քվեարկելու իրավունք ունի Վրաստանի 3.513.884 քաղաքացի, որոնք բնակվում են երկրի տարածքում և արտասահմանում: Վերջիններիս համար աշխարհի 40 երկրում բացվել է 55 ընտրատեղամաս: