Քարդաշյանը հարձակումից հետո վերադարձել է իր տուն

4 օր առաջ Փարիզում զինված հարձակման ենթարկվելուց հետո Քիմ Քարդաշյանը, վերջապես, Լոս Անջելեսի իր տուն է վերադարձել: Ինչպես տեղեկացնում է բրիտանական The Mirror-ը, նա եղել է ամուսնու՝ Քանյե Ուեստի, մոր՝ Քրիս Ջեների եւ երեխաների հետ: Հարձակումից անմիջապես հետո, Քիմն ԱՄՆ էր վերադարձել, բայց ոչ թե տուն՝ Լոս Անջելես, այլ Նյու Յորք, որտեղ նրա ռեփեր ամուսինը շրջագայությունների է: Նա հենց համերգի ժամանակ էր իմացել Քիմի հետ կատարվածի մասին եւ անմիջապես նրա մոտ էր շտապել: Նյու Յորքից նրանք Լոս Անջելես են գնացել անձնական ինքնաթիռով: Ընտանիքի բոլոր անդամները փորձել են հնարավորինս թաքնվել տեսախցիկներից, մասնավորապես, Քիմը քայլել է գլուխը կախ: Լրագրողների ուշադրությունը գրավել է նաեւ այն, որ մշտապես գլամուրային տեսքով տանից դուրս գալու սովոր Քիմն այս անգամ եղել է համեստ հագուստով: