Վրաստանում վաղը խորհրդարանական ընտրություններ են

  Վրաստանի Կենտրոնական ընտրական հանձնաժողովի նախագահ Թամար Ժվանիան այսօր հայտարարել է, որ ընտրողները հնարավորություն ունեն ընտրելու օրենսդիր մարմնի 150 անդամների: Նրանցից 77-ին կընտրեն համամասնական, 73-ին՝ մեծամասնական ընտրակարգով, հաղորդում է Panorama.am-ը: Քաղաքացիները ընտրություն պետք է կատարեն 19 կուսակցությունների ու 6 դաշինքների միջև: Ընտրություններին հետևելու է 42 092 վստահված անձ,  111 տեղական կազմակերպությունների 29 931 դիտորդ և 55 միջազգային կազմակերպությունների 1440 դիտորդ: Ընտրությունները լուսաբանելու են 184 ԶԼՄ-ի 5368 ներկայացուցիչներ: Քվեարկությունը կմեկնարկի առավոտյան ժամը 8:00-ին, կավարտվի ժամը 20:00-ին: