Սուրիկ Խաչատյանի կյանքն էլ կերաք էնքան, մինչեւ ինֆակտը տվեց, հազիվ փրկեցինք.Սեյրան Սարոյան

Լրագրողների հետ զրույցում գեներալ, ՀՀԿ-ական պատգամավոր Սեյրան Սարոյանը անդրադարձավ  պաշտպանության ոլորտի կադրային փոփոխություններին, Գլխավոր Շտաբի պետ Յուրի Խաչատուրովի պաշտոնանկությանը և նրան ԱԱԽ քարտուղար նշանակելու փաստին: « Փոփոխություններ միշտ էլ պետք է լինեն: Մեր նախարարը՝ Սեյրան Մուշեղիչը, շատ լավ նախարար է եղել, պատերազմով անցած, բանակաշինության մեջ հզոր նախարար է եղել, բայց երկար տարի որ մի մարդ մի տեղ մնում է, իր թերություններն էլ աչքին չի գալիս», – անդրադառնալով Սեյրան Օհանյանի պաշտոնանկությանն ասաց Սեյրան Սարոյանը: «Նախագահ Սերժ Սարգսյանը Սեյրան Օհանյանին ավելի լավ պաշտոնի կտանի:Չգիտեմ ուր կտանի, բայց որ Սեյրան Մուշեղիչին կտանեն մի պիտանի տեղ, որտեղ մեր պետականության, մեր ժողովրդի համար լավ գործ կանի, դրա մասին չկասկածեք», – ասաց նա: Անդրադառնալով խոսակցություններին, թե պաշտպանության նորանշանակ նախարար Վիգեն Սարգսյանը բանակում չի ծառայել, Սեյրան Սարոյանը նշեց. «Նման բան ասողները չարաչար սխալվում են:Վիգենն իր կարիերան սկսել է հենց բանակից: Մենք միշտ Վիգենին համարել ենք մեր բանակին տղեն: Նա շատ լավ է պատկերացնում բանակը», – ասաց նա: Դիտարկմանը, որ Յուրի Խաչատուրովի և նրա որդիների անունները ուղեկցվել են կրիմինալ և կոռուպցիոն պատմություններով, Սեյրան Սարոյանը արձագանքեց. «Խաչատուրովի որդին`Գրիշան շատ լավ տղա ա, շատ լավ ծառայող տղա ա, շատ պինդ, ձիգ զինվորական տղա ա, Խաչատուրովի խաթր չեն նշանակել, արժանի տղա ա որպես զինվորական, որ նշանակվի էդ պաշտոնին, իսկ Խաչատուրովն էլ գրաժդանսկի պաշտոնի թող էթա, պինդ տղայա կարա աշխատի»: Էդվարդ Նալբանդյանին վերանշանակելու հետ կապված հասարակական դժգոհություններին մասին ասաց. «Ա լավ էլի, մեր արտաքին գործերի նախարարը լավն ա»: Գագիկ Խաչատրյանի եւ Գագիկ Բեգլարյանի պաշտոնանակության մասին էլ ասաց. « «Իմ ընգեներն են»: Դիտարկմանը, որ նրանք էլ էին կոռուպցիայի մեջ թաթախված այսպես արձագանքեց. «Պահ-պահ, հենց գործից հելան արդեն կաշառակեր են: Սուրիկ Խաչատյանի կյանքն էլ կերաք էնքան, մինչեւ ինֆակտը տվեց, հազիվ փրկեցինք»: