ԱՄՆ-ն պատրաստ է Սիրիայում «գործարք կնքել սատանայի հետ».ՌԴ
BBC-ի ռուսական ծառայությունը հայտնում է,որ ՌԴ ԱԳՆ-ում ափսոսանք և հիասթափություն են հայտնել Սիրիայի հարցով Մոսկվայի հետ համագործակցությունը դադարեցնելու ԱՄՆ որոշման կապակցությամբ, «Մեզ մոտ տպավորություն է ստեղծվում, որ Դամասկոսում բաղձալի իշխանափոխության հասնելու ձգտման մեջ Վաշինգտոնը պատրաստ է «գործարք կնքել սատանայի հետ»՝ դաշինքի գնալ հայտնի ահաբեկիչների հետ, որոնք երազում են պատմությունը հետ շրջել:Խաղադրույքները շատ մեծ են: Եթե Սիրիան ամերիկյան որոշումների հետևանքով դառնա ահաբեկիչների նոր հարվածների օբյեկտ, մեղքը կընկնի Սպիտակ տան վրա: Ընտրությունը Վաշինգտոնինն է, որտեղ պետք է սթափ կշռեն, թե ինչպիսի ապագա են ուզում սիրիացի ժողովրդի համար»,- ասվում է գերատեսչության մեկնաբանության մեջ: Ըստ ԱԳՆ-ի՝ ԱՄՆ նախագահի վարչակազմը համագործակցության շարունակման համար ի վիճակի չէ կատարել հիմնական պայմանը՝ սահմանազատել չափավոր ընդդիմադիրներին և ահաբեկիչներին:
Հետևեք մեզ Viber-ում
