Տարեկան քանի միլիարդ են ծախսում ղրղզները հարսանիքների համար

Ղրղզստանում տարբեր հետազոտությունների համաձայն ամեն տարի կես միլիոն ընտանիքներում հարսանիքներ եւ այլ տոնական միջոցառումներ են լինում, որոնց վրա ծախսվում է ավելի քան երեք միլիարդ ԱՄՆ դոլար, որը հավասար է պետության արտաքին պարտքի չափին: Այս մասին հայտնում է «Ազատություն» ռադիոկայանի ղրղզական ծառայությունը: Միաժամանակ նաեւ նշվում է, որ ծախսերի կրճատման եւ խնայողությունների համար մեկ անգամ չէ, որ պետական ամենաբարձր ատյաններից կոչեր են հնչել՝ ուղղված երկրի քաղաքացիներին: Նույնիսկ եղել են առաջարկներ նման ճոխության միջոցառումներից հետո տվյալ անձանց հարկային հայտարարագրերի ստուգում անցկացնել: Ըստ հրապարակման՝ վերջին տարիներին ավելացել են մասշտաբային տոնական միջոցառումների անցկացման համար նախատեսված ռեստորանների եւ հանդիսության սրահների թիվը, եւ անընդհատ կառուցվում են նորերը: Տեղի քաղաքացիական ակտիվիստներն ակնկալում են, որ ապագայում իշխանությունները կփորձեն սահմանափակել նման անհարկի ճոխությունները եւ միջոցները կուղղեն արտաքին պարտքի սպասարկմանը կամ մարմանը: