Թույլ չենք տա, որ մոռացվի հուլիսի 15-ի ռազմական հեղաշրջման փորձը. Յըլդըրըմ
«Մենք թույլ չենք տա, որ մոռացության տրվի հուլիսի 15-ի ռազմական հեղաշրջման փորձը»,Anadolu լրատվական գործակալության փոխանցմամբ հայտարարել է Թուրքիայի վարչապետ Բինալի Յըլդըրըմը: «Վերջին օրերին Թուրքիայում խոսակցություններ են շրջանառվում հեղաշրջման նոր փորձի հնարավորության մասին: Մի շարք անձինք պնդում են, որ վերստին կձեռնարկեն իշխանության զավթման փորձ երկրում: Ինչպես կգան, այնպես էլ կգնան ձեռնունայն»,ասել է նա: Յըլդըրըմը անդրադարձել է նաև երկրում գյուլենականների դեմ պայքարին. «Այն մարդիկ, որոնք մասնակից չեն ահաբեկչական հոսանքին, չեն առնչվի տվյալ գործընթացին: Մենք առաջնորդվում ենք ոչ թե վրեժխնդրության զգացումով, այլ արդարություն ապահովելու ցանկությամբ: Մենք այդ մասին հայտարարել ենք նաև ավելի վաղ»: Յըլդըրըմը չի բացառել, որ այդ գործընթացում հնարավոր են նաև սխալներ. «Սակայն թող ոչ ոք մեզանից չսպասի, թե մենք անգործության կմատնվենք՝ վախենալով սխալներ գործելուց»:
Հետևեք մեզ Viber-ում
