Քիմ Քարդաշյանի վրա զինված հարձակում է տեղի ունեցել Փարիզում

Ամերիկյան հայտնի հեռուստաաստղ Քիմ Քարդաշյանը հարձակման է ենթարկվել Փարիզի հյուրանոցներից մեկում, հաղորդում է NBC հեռուսատաալիքը: Դիմակավոր 2 անձ, որոնք եղել են ոստիկանական համազգեստով, սպառնացել է Քարդաշյանին, նրա մորն ու քույրերին զենքով: Քարդաշյանների ընտանիքը Փարիզում է Նորաձևության շաբաթ միջոցառման շրջանակում: Քարդաշյանի ներկայացուցիչ Ինա Տրեսոկիասի խոսքով մոդելը չի տուժել, սակայն շատ վախեցել է։ Քանյե Ուեսթը այդ դեպքի ժամանակ Նյու Յորքում էր՝ համերգ էր տալիս։ Ականատեսների խոսքով համերգի կեսին նրան մոտեցել է անհայտ մեկը, ինչ –որ բան շշնջացել նրա ականջին, ու Ուեսթը փախել է բեմից «Կներեք, ընտանեկան արտակարգ հանգամանք է» բառերով։ Դեպքը տեղի է ունեցել գիշերը՝ ժամը 3-ից 4-ը ժամանակահատվածում։ Առայժմ հայտնի չէ՝ չարագործները որեւէ բան գողացել են, թե ոչ ու թե ինչպես է Քիմը պայմանավորվել նրանց հետ, որպեսզի իրեն բաց թողնեն։ Ֆրանսիական ոստիկանության ներկայացուցիչները դեռ չեն մեկնաբանել տեղի ունեցածը։