Հրապարակվել է «Շառլ դե Գոլ» ավիակրից ԻՊ-ին հարվածներ հասցնելու տեսագրությունը

Ֆրանսիական BFM TV հեռուստաալիքը տեսանյութ է հրապարակել «Շառլ դե Գոլ» ավիակրի վերաբերյալ, որի ինքնաթիռները սեպտեմբերի 29-ին «Իսլամական պետության» զինյալների դիրքերին հարվածներ են հասցրել Իրաքի Մոսուլ քաղաքի շրջանում: Ավիակիրը գտնվում է Միջերկրական ծովի արեւելյան մասում, Կիպրոսի ափերից ոչ հեռու: Նավից գործի են դրվել Rafale տախտակամածային կործանիչները: «Մարտական գործողությունների շրջան ավիակրի ժամանումը եռակի ավելացնում է ֆրանսիական մարտական ինքնաթիռների թվաքանակը, որոնք կարող են հարվածներ հասցնել ԻՊ-ի դիրքերին»,-հեռուստաալիքին տված հարցազրույցում պարզաբանել է դիվիզիայի գեներալ Վինսենթ Դեսպորտը: Ներկայում Հորդանանի եւ Արաբական Միացյալ Էմիրությունների օդանավակայաններում բազավորված են Ֆրանսիայի ռազմաօդային ուժերի 12 ինքնաթիռներ, որոնք ԱՄՆ-ի գլխավորած կոալիցիայի կազմում մասնակցում են ԻՊ-ի դեմ ձեռնարկվող գրոհներին