Վերջին հրաժեշտը՝ Երուսաղեմում

Երուսաղեմում Կնեսետի (Խորհրդարանի) շենքի առջևի հրապարակում սկսվել Է Իսրայելի իններորդ նախագահ Շիմոն Պերեսի հետ հրաժեշտի արարողությունը, հայտնում է ТАСС-ը:

Պերեսի դագաղի պատվանդանին ծաղկեսպակներ են դրել Իսրայելի տասներորդ նախագահ Ռեուվեն Ռիվլինը և երկրի վարչապետ Բենիամին Նաթանյահուն: Հրաժեշտի արարողության ուղիղ հեռարձակում Է իրականացնում իսրայելական հեռուստատեսության 9-րդ ալիքը:

Պերեսի մարմինն ամփոփող դագաղը Թել Ավիվից Երուսաղեմ՝ Կնեսետի շենքի մոտ Է հասցվել հինգշաբթի վաղ առավոտյան բանակային բաց ավտոմեքենայով՝ յոթ մոտոցիկլետների եւ ոստիկանության հատուկ ուժերի ավտոմեքենաների ուղեկցությամբ:

Բոլոր ցանկացողները ժամը 09:00-ից մինչեւ 21:00-ն կկարողանան գալ հրապարակ և հարգանքի տուրք մատուցել Պերեսին: Ինչպես հայտնել է հրեական պետության ոստիկանության մամուլի ծառայությունը, Երուսաղեմում սգո արարողությունների անվտանգությունն ապահովելու գործում ներգրավված են յոթ հազար ոստիկաններ:

Պերեսի հուղարկավորությունը տեղի կունենա ուրբաթ կեսօրին Երուսաղեմում: