Զինամթերքի գաղտնարաններ՝ Վրաստանում

Վրաստանի ներքին գործերի նախարարությունը և Պետական անվտանգության ծառայությունը օպերատիվ տեղեկությունների հիման վրա երկրում, այդ թվում` մայրաքաղաք Թբիլիսիում, զենք և զինամթերք պարունակող մի քանի գաղտնարաններ են հայտնաբերել: Ինչպես տեղեկացնում է Грузия Online պարբերականը`վկայակոչելով երկրի ՆԳՆ հաղորդագրությունը, առգրավված իրերի թվում են հրացաններ, ատրճանակներ, ականներ, պայթուցիկ նյութեր՝ տրոտիլ և գեկսոգեն, նռնակներ, փամփուշտներ, ապահովիչներ, արկեր: ՆԳՆ ենթադրությունների համաձայն` գաղտնարանները պատրաստվել են 2009-2011 թվականներին: