«Գողությունը «գողանալ» բառը չէ». Գալուստ Սահակյան
Այսօր ԱԺ նախագահ Գալուստ Սահակյանը լրագրողների հարցին՝ ի՞նչ գողության մասին էր խոսում վարչապետն օրեր առաջ, այդ գողերը պե՞տք է պատժվեն, թե՞ ոչ՝ պատասխանեց. «Կառավարության մեջ գործառույթներ կան, որոնք ճիշտ ձեւով չեն իրագործվում եւ առաջացնում են որոշակի բողոքներ, որին համարեց գողություն: Գողություն ոչ թե գողական ասպարեզի մարդիկ գողանում, տանում են չգիտեմ ինչեր են անում, այլ պարզապես չկիրառելը համարեց գողություն: Գողությունը «գողանալ» բառը չէ։ Այսինքն՝ այն երևույթը, որը կառավարության անդամները՝ ներքևից մինչև վերև, պիտի օգտագործեն, երբեմն-երբեմն չի կատարվում դա։ Իսկ եթե որևէ մեկը, կամ ես, կամ դուք, գիտենք՝ ովքեր են գողերը, դա ինչ-որ հայտարարելու բան չի։ Դրա համար հատուկ հիմնարկներ կան, որտեղ գրում ես, որ՝ սա գող է, և էդ գողին բռնում-տանում, բանտարկում են»: Դիտարկմանը, որ վարչապետը տեսել էր, որ հայտարարեց՝ Գալուստ Սահակյանն արձագանքեց. «Դա ձեր իմացած գողությունը չի, դա աշխատանքային կարգն է»:
Հետևեք մեզ Viber-ում
