Ռուսաստանի և Եգիպտոսի միջև օդային հաղորդակցությունը կվերականգնվի հոկտեմբերին

Ռուսաստանի և Եգիպտոսի միջև օդային ուղիղ կապը հնարավոր է վերականգնվի այս տարվա հոկտեմեբրին: Այս մասին գրում է «Տասս» գործակալությունը՝ վկայակոչելով իր աղբյուրները: Այսօր հայտնի դարձավ, որ փորձնականորեն գործարկվել է Կահիրեի օդանավակայանի՝ ռուսներին սպասարկող տերմինալը: Առաջին փուլում այն կաշխատի 15 ավիաընկերությունների, այդ թվում «Աէրոֆլոտ»-ի հետ: Տերմինալի ընդհանուր մակերեսը կազմում է 230 հազար քկմ, ունի 14 ելք, այն տարեկան կարողէ սպասարկել 7,5 մլն ուղևորի: Աղբյուրը հիշեցնում է, որ երկու երկրների միջև օդային հաղորդակցությունն ամբողջությամբ դադարեցվել է Մոսկվայի որոշմամբ անցած տարվա նոյեմբերի 13-ին խոշոր ավիավթրից հետո, որի հետևանքով զոհվեց 224 մարդ: ՌԴ հետաքննությունների դաշնային բյուրոն կատարվածը որակեց որպես ահաբեկչություն: