Նման լուրերի տարածումն անբարոյականություն է. Վարդեւան Գրիգորյանը՝ որդու սպանության մասին. Armtimes.com
Հոկտեմբերի 2-ին կայանալիք ընտրություններում Գյումրու քաղաքապետի թեկնածու, ԲՀԿ-ական ՎարդեւանԳրիգորյանն անբարոյականություն եւ լկտիություն է անվանում որդուն՝ 26-ամյաԱրշակ Գրիգորյանին սպանելու եւ դին ավտոտնակում դնելու վարկածը: Այդ մասին այսօր մեզ հետ զրույցում հայտարարեց Գրիգորյանը: Նրա հետ մեր կարճ զրույցը ներկայացնում ենք ստորեւ. Պարոն Գրիգորյան, մամուլում հակասականտեղեկություններ են շրջանառվում ձեր որդու մահվանհանգամանքների մասին, խնդրում եմ ասեք, թե ի՞նչ էիրականում եղել: Ես այն վիճակում չեմ, որ ինչ-որ բան ասեմ, բայց մի բան կասեմ. շահարկում են մարդու ողբերգությունը, սենսացիաներ փնտրում, հիմա էլ գրում են, թե իբր սպանել են, հետո բերել-դրել են ավտոտնակում: Դա, առնվազն, անբարոյականություն է, լկտիություն, հենց այդպես էլ գրեք: «Դա» ասելով նկատի ունեք այն տեղեկություննե՞րը, որսպանել են, դին բերել, դրել ավտոտնակում: Իհարկե, իհարկե: Այսինքն, ինքնասպանությո՞ւն է տեղի ունեցել իրականում: Ես չեմ կարող ասել, որովհետեւ դատաբժշկական փորձաքննությունը պետք է տա եզրակացությունը: Երբ, որ տա՝ ինձ թվում է բոլորը կիմանան: Այդ վարկածն ավելի հավանական է, բայց էլի եմ ասում, դրա պատասխանը տալու է փորձաքննությունը: Իրավապահների նախնական կարծիքը դա է, որ ինքնասպանություն է: Իսկ ձեր կարծիքը ո՞րն է: Եթե տանն է եղել, չեմ կարծում, որ որեւէ մեկը կհամարձակվեր:
Հետևեք մեզ Viber-ում
