Սիրիայի հարցով ձեռք բերված պայմանավորվածությունների տեքստը հրապարակվել է

Ինչպես նշում է ria.ru-ն,  Ռուսաստանի Դաշնության արտաքին քաղաքական գերատեսչությունը հրապարակել է ավելի վաղ՝ սեպտեմբերի 9-ին, սիրիական հակամարտության կարգավորման վերաբերյալ Մոսկվայի և Վաշինգտոնի միջև ձեռք բերված պայմանավորվածությունների տեքստը: Hiecnenq,w8 ՌԴ արտգործնախարար Սերգեյ Լավրովն ու ԱՄՆ-ի պետքարտուղար Ջոն Քերին սեպտեմբերի 9-ին համաձայնության են եկել Սիրիայի հարցով նոր ծրագրի շուրջ: Նախևառաջ այն ներառում է  հրադադարի հաստատումն ու ռուս և ամերիկացի զինծառայողների միջև գործողությունների համաձայնեցումը: ՌԴ ԱԳՆ-ի տարածած հայտարարությունում նշվում է, որ ռուսական կողմն ամեն անգամ առաջարկել է  հրապարակել համաձայնագրերի տեքստը, սակայն ամերիկյան կողմը մշտապես մերժողական պատասխան է տվել՝ կասկածի տակ դնելով ԱՄՆ-ի անկեղծության հարցը: ՌԴ ԱԳՆ-ն կործանարար է համարել ահաբեկիչներին ընդդիմադիրներից տարանջատելու հարցում ԱՄՆ-ի վարած քաղաքականությունը՝ նախազգուշացնելով, որ այդ ամենը լավ ավարտ չի ունենա: