Սարկոզին Մեծ Բրիտանիային կառաջարկի նոր պայմաններով մնալ ԵՄ կազմում
Financial Times-ը գրում է ,որ Ֆրանսիայի նախկին նախագահ Նիկոլա Սարկոզին հայտարարել է, որ իշխանության գալու դեպքում Մեծ Բրիտանիային կառաջարկի նոր պայմաններով վերադառնալ ԵՄ: « 2017թ-ի ընտրություններում հաղթանակի դեպքում հաջորդ օրը կմեկնեմ Բեռլին ԵՄ նոր համաձայնագրի նախագծով, որպեսզի ստանա Գերմանիայի կանցլեր Անգելա Մերկելի աջակցությունը, իսկ դրա հաջորդ օրը՝ մայիսի 8-ին, կմեկնեմ Լոնդոն:Ես բրիտանացիներին կասեմ՝ դուք դուրս եք եկել, բայց մենք քննարկում ենք նոր համաձայնագիր, այդ պատճառով դուք նորից քննարկելու հնարավորություն ունեք: Բայց այս անգամ խոսքը ոչ թե հին Եվրոպայի մասին է, այլ նոր: Դուք ուզո՞ւմ եք մնաք: Եթե այո, ապա ավելի լավ, քանի որ ես չեմ կարող ընդունել Եվրոպայում իր մեծությամբ երկրորդ խոշորագույն տնտեսության կորուստը, քանի դեռ մենք բանակցություններ ենք վարում Թուրքիայի ԵՄ անդամակցության վերաբերյալ: Դուք կամ մնում եք, կամ գնում եք»,- քաղաքական գործչի խոսքերը մեջ է բերում թերթը:
Հետևեք մեզ Viber-ում
