Ամոթից գետինը մտանք

ԱԺ-ում «Տեղական տուրքերի և վճարների մասին» Հայաստանի Հանրապետության օրենքում փոփոխություններ և լրացում կատարելու մասին օրենքի նախագիծ շուրջ ելույթ ունեցավ ԱԺ ՀԱԿ խմբակցության պատգամավոր Հրանտ Բագրատյանը:Ինչպես պատմեց՝  Բրյուսելում Արևելյան Եվրոպայի երկրների ՓՄՁ-ների մասին զեկույց է կարդացել, որտեղ էլ հայտնի պրոֆեսորներից մեկն արձագանքել է Բագրատյանի ելույթին և շեշտել, թե մի կերպ են ուսումնասիրել ՀՀ ՓՄՁ ոլորտը: «Պրոֆեսոր Մակառեսն ասաց, որ ՀՀ-ում չունենք ՓՄՁ վիճակագրություն և մեկ տարի աշխատելով՝ մի կերպ նոր կարողացել են գնահատել ՓՄՁ ոլորտն ու, դժբախտաբար, ոչ թե ՀՆԱ-ն 70 տոկոս է, այլ 14 է: Մենք ընդհանրապես վիճակագրություն չունենք, բոլորը սովերել են թվեր նկարել, և մենք ամոթից գետինը մտանք, քանի որ Վրաստանի վերաբերյալ ավելի լավ էինք զեկուզում, քան ՀՀ-ի, քանի որ թիվ չկա»,- նշեց Բագրատյանը: Այնուհետև հիշեցրեց, որ ՀՀ-ում տարեկան 5 մլրդ դոլարի առևտուր է լինում, ինչը կարելի է տեղավորել 15 մոլերի մեջ, սակայն այդ դեպքում երկիրը զարգացում չի ունենա, քանի որ եթե խոշորը փող է աշխատում է, բայց փոքր բիզնես չկա, ապա խոշորը չի իմանում գումարն ինչ անել: Խոշորը սարքում է տուն, սակայն դա չի վաճառվում, ինչի արդյունքում սկսվում է կապիտալի արտահոսքը