Ռուսաստանը ոչ թե նպաստում է պատերազմին, այլ խրախուսում է ուժերի հավասարակշռության հաստատումը. Stratfor
Ամերիկյան Stratfor հետախուզական-վերլուծական կենտրոնն անդրադարձել է Հայաստանի անկախության 25-րդ տարեդարձի կապակցությամբ կազմակերպված զորահանդեսի ժամանակ «Искандер» օպերատիվ-տակտիկական հրթիռային համակարգերի ցուցադրությանը: Stratfor-ի փորձագետները գտնում են, որ «Искандер»-ների վաճառքը Հայաստանին վկայում է, որ Ռուսաստանը ձգտում է պահպանել ուժերի հավասարակշռությունը Հայաստանի եւ Ադրբեջանի միջեւ: Ըստ Stratfor-ի, Ռուսաստանը նման քայլով ոչ թե նպաստում է պատերազմին, այլ խրախուսում է ուժերի հավասարակշռության հաստատումը: Կենտրոնի փորձագետներն արձանագրում են, որ «Искандер»-ների առկայությունն Ադրբեջանին զսպող լուրջ գործոն է: Այս համատեքստում փորձագետները հիշեցնում են, որ այս տարվա ապրիլին Ադրբեջանը սպառնում էր հրթիռակոծել Արցախի մայրաքաղաք Ստեփանակերտը:
Հետևեք մեզ Viber-ում
