Արթուրին ենքան են ծեծել 15-20 հոգով,ծայրահեղ վիճակում է.Հրաչիկ Աբգարյան

«Վաղը Էջմիածնում ընտրություն չպետք է լինի:Երկուսն էլ հիվանդանոցում են ,շատ ծանր վիճակում :Արթուրի վիճակը կարծեք թե ծանր է։ Եթե օրինականություն լինի,ընտրություն չպետք է լինի», -մեզ հետ զրույցում ասաց Էջմիածնի նախկին քաղաքապետ Հրաչիկ Աբգարյանը ՝անդրադառնալով երեկ կեսգիշերին Էջմիածնում տեղի ունեցած միջադեպին: Կրակոցների հետ կապված Հրաչիկ Աբգարյանը հերքեց.  «Ինչպե՞ս  կարող են էդ մարդիկ կրակոց անեն, էդ մարդիկ կյանքում զենքի հետ վարվելու ձևը չեն իմացել, ոնց կարող են կրակել։ Սա խայտառակություն է, և կրկնում եմ՝ Էջմիածնում պետք է ընտրությունները չեղյալ հայտարարվեն, վերջ:Իմ եղբոր տղան էնքան պրիլիչնի տղա է, որ նման բան չի կարող լինել։ Կարծես թե հեքիաթ պատմելիս լինեք, էդ տղեն զենքից վարվելու ձևը չգիտի, տենց բան չի կարող լինել, ուղղակի սա խայտառակություն է, մենք Էջմիածնում ընտրությունները չեղյալ ենք հայտարարում։ Եթե մեկը գնաց ընտրության, դա վերջն է լինելու»: Հիշեցնենք, որ ըստ շրջանառվող լուրերի՝ երեկ Էջմիածնում կրակել են ԱԺ ՀՀԿ խմբակցության պատգամավոր, գեներալ Մանվել Գրիգորյանի որդու, Էջմիածնի գործող քաղաքապետ Կարեն Գրիգորյանի մեքենայի ուղղությամբ: Կրակոցները հնչել են «Վազ 21/06» մակնիշի մեքենայի մեջից, որի մեջ գտնվել է Էջմիածնի քաղաքապետի թեկնածու Արթուր Թումանյանը: Մեքենան պատկանում է Էջմիածնի նախկին քաղաքապետ Հրաչիկ Աբգարյանի եղբորորդուն՝ Ստեփան Աբգարյանին, որը ևս գտնվել է մեքենայի մեջ: