Վազգեն Մանուկյան. «Չեմ կարող ասել, որ Հայաստանում կան քաղաքական հայացքների համար ազատազրկվածներ»
«Հրապարակի» հարցերին պատասխանում է ՀՀ առաջին վարչապետ, Հանրային խորհրդի նախագահ Վազգեն Մանուկյանը։ – Քաղաքական հայացքների համար ազատազրկված անձանց վրա՞ էլ կտարածվի համաներումը։ – Ես չեմ կարող ասել, որ Հայաստանում կան քաղաքական հայացքների համար ազատազրկվածներ։ – Օրինակ՝ Շանթ Հարությունյանը եւ իր համախոհները։ – Անկեղծ ասած՝ ես կողմ կլինեի, որ Շանթ Հարությունյանին եւ իր ընկերներին ազատեն։ Բայց նրանց քաղաքական հայացքների համար չեն ազատազրկել, այլ՝ գործողությունների։ Հայաստանում, այնուամենայնիվ, ոչ մեկը բանտում նստած չէ իր քաղաքական հայացքների համար, նստած են գործողությունների համար։ Դրանք տարբեր բաներ են։ Այնպես չէ, որ ինչ-որ մեկը մի բան ասի, կամ որեւէ թղթակից մի բան գրի, դրա համար նստեցնեն։ Իմ սահմանումով՝ մենք չունենք քաղաքական բանտարկյալներ։ ՀԳ. Երեկ մենթ վստահելի աղբյուրից տեղեկացանք, որ սեպտեմբերի 21-ի առիթով համաներում չի լինելու, չնայած դրան անհամբերությամբ սպասում են դատապարտյալները, եւ դրա մասին տեւական ժամանակ է՝ գրում է մամուլը։ Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Հետևեք մեզ Viber-ում
