Վրաստանն Ադրբեջանին զենք է վաճառում

Haqqin.az պորտալի փոխանցմամբ՝ վրացական «Դելտա» ռազմական գիտատեխնիկական պետական կենտրոնը 2015 թվականին Ադրբեջանին վաճառել է ականանետներ ու նռնականետներ, իսկ Եգիպտոսին՝ ինկասատորական մի շարք զրահապատ մեքենաներ։ Բացի այդ, ավարտին են մոտենում Մոլդովային հակակարկտային համակարգեր մատակարարելու վերաբերյալ բանակցությունները։ Սրանից առաջ հաղորդվել էր, որ «Դելտայի» մշակած զրահապատ մեքենան հաղթել է Սաուդյան Արաբիայի պաշտպանության նախարարության հայտարարած համապատասխան մրցույթում։