Մենք ուրախ ենք, որ Պուտինը ներգրավված է այս հարցում. Ուորլիք
Ռուսաստանի դերը ԼՂ հակամարտության կարգավորման գործում շատ դրական է ու արդյունավետ: Այդ մասին Интерфакс-ի հետ զրույցում ասել է ԵԱՀԿ ՄԽ ամերիկացի համանախագահ Ջեյմս Ուորլիքը: «Մենք հույս ունենք, որ խաղաղ կարգավորման գործընթացը տարիներ չի տեւի, բայց, իհարկե, այս հարցով անսպասելի առաջընթաց սպասել չենք կարող։ Ես չեմ կարող կանխատեսել, թե երբ կլինի կարգավորումը՝ վաղը, մեկ շաբաթից, մեկ ամսից, սակայն եթե նախագահները քաղաքական կամք գտնեն առաջ շարժվելու համար, կարգավորման բոլոր բաղադրիչները կան Մենք շատ ուրախ ենք տեսնել այդ հարցում ՌԴ նախագահ Վլադիմիր Պուտինի ներգրավվածությունը, ՌԴ ԱԳՆ ղեկավար Սերգեյ Լավրովը, իր հերթին, լավ տեղեկացված է այդ հարցից: Մենք հարգում ենք նրա մոտեցումը և ցանկանում ենք աշխատել նրա հետ այդ ուղղությամբ: Պետքարտուղար Ջոն Քերին բազմիցս քննարկել է դա նրա հետ: Սսա այն ոլորտն է, որտեղ ԱՄՆ-ը, Ռուսաստանը և Ֆրանսիան կարող են արդյունավետ համագործակցել»,- ասել է ՄԽ ամերիկացի համանախագահը:
Հետևեք մեզ Viber-ում
