Ֆրանսիան մեծացնում է ռազմական ներկայությունը Սև ծովում

Ֆրանսիայի պաշտպանության նախարար Ժան-Իվ լե Դրիանը իր վրացի գործընկեր Լևան Իզորիայի հետ հանդիպումից հետո կայացած մամլո ասուլիսում հայտնել է, որ շուտով՝ աշնան վերջին, ՆԱՏՕ-ի նշանով Բաթումի նավահանգիստ կժամանի ֆրանսիական ռազմանավ: «Իմ այցի գլխավոր ազդանշանն այն է, որ մենք ծրագրում ենք Սև ծովում ավելացնել ռազմանավերի թվաքանակը»,- հայտարարել է Ֆրանսիայի պաշտպանության նախարարը: Լևան Իզորիան իր հերթին հայտնել է, որ Վրաստանը ներգրավված է ՆԱՏՕ-ի հետ ռազմավարական երկխոսությունում՝ Սև ծովում անվտանգության ուժեղացման հարցով: Նա նշել է, որ այդ թեման քննարկել է նաև ռումինացի գործընկերոջ հետ: