ԴԱԻՇ-ն արագորեն տարածքներ է կորցնում Սիրիայում և Իրաքում
ԴԱԻՇ ահաբեկչական կազմակերպությունն արագորեն տարածքներ է կորցնում Սիրիայում և Իրաքում, սակայն դրա ոչնչացումը կարող է հանգեցել նոր հակամարտությունների: Այդ մասին գրում է թղթակից Լիզ Սլայը The Washington Post-ում: Սլայը 10 պոտենցիալ պատերազմ է հաշվել: Առաջինը՝ Սիրիայի քրդերը Սիրիայի արաբների դեմ: Հեղինակի խոսքերով՝ այդ հակամարտությունն արդեն ընթանում է: Երկրորդ տարբերակը Թուրքիայի պատերազմն է Սիրիայի քրդերի դեմ, քանի որ քրդական ինքնավարության ստեղծումը Սիրիայի հյուսիս-արևելքում անհանգստացնում է Անկարային: Բացի դրանից՝ Սիրիայի կառավարությունը կարող է պատերազմ սկսել քրդերի դեմ, կարծում է հեղինակը: ԱՄՆ-ի և Սիրիայի հակամարտութունը Սիրիայում Սլայը քիչ հավանական է համարում. փաստը, որ դա մինչ օրս չի բռնկվել, խոսում է դրանից խուսափելու կողմերի ցանկության մասին: Սակայն պետք չէ լիովին բացառել զորքերի բախումը, օրինակ՝ Ռաքքայի համար մարտերի ընթացքում: Թուրք-սիրիական պատերազմ ևս դժվար թե սկսվի, սակայն ԴԱԻՇ-ի դեմ թուրքական արշավի հաջողության դեպքում բանակները կարող են հանդիպել Հալեպի շրջանում: Հոդվածագիրը քննարկում է նաև Իրաքի քրդերի մասնակցությամբ հակամարտությունների մի քանի տարբերակ՝ Իրաքի կառավարության դեմ, շիաների դեմ կամ նույնիսկ քաղաքացիական պատերազմ, որն արդեն եղել է Իրաքյան Քրդստանում 1990-ական թթ.:
Հետևեք մեզ Viber-ում
