Կիրո Մանոյան. Ադրբեջանն ապտակ ստացավ
ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը լրագրողների հետ հանդիպմանը հայտարարեց. «ԵԽԽՎ-ն, ընդունելով ներկայացված հակահայ 2 բանաձևերից մեկը, պահպանել է հավասարակշռությունը՝ չփորձելով նեղացնել կողմերից և ոչ մեկին: Քվեարկությունից դեռ երկու օր առաջ կային նույնիսկ այնպիսի նախանշաններ, որ, հնարավոր է, դրանք անգամ չքննարկվեին, սակայն այդպիսի որոշում հանձնաժողովը չկայացրեց: Կար ցանկություն հավասարակշռություն պահելու, հետևաբար քննարկումների արդյունքում որոշվեց մերժել Ռ. Ուոլթերի զեկույցը»: Սերբ պատգամավոր Միլիցա Մարկովիչի կողմից ներկայացրած և հավանության արժանացած բանաձևին անդրադառնալով ՝ Կ. Մանոյանը նկատեց, որ թեև հայտարարվեց, թե դրա նպատակը մարդասիրական է, սակայն այն շատ քաղաքականացված էր: Կ. Մանոյանի խոսքով՝ նախ պետք է հաշվի առնել, թե ԵԽԽՎ որ քաղաքական ուժերը ինչ կեցվածք որդեգրեցին քննարկման և քվեարկության ընթացքում: «Հիմնական սոցիալիստական խմբում էր, որ հայկական տեսակետի կողմնակից էին, իսկ Եվրոպայի ժողովրդական կուսակցությունը, որի անդամ են նաև ՀՀ ԱԺ-ում ներկայացված երեք ուժերը՝ Հանրապետական, ՕԵԿ և «Ժառանգություն», ինչպես նաև քրիստոնեադեմոկրատական խումբը, նախագծին կողմ քվեարկեց՝ դեմ դուրս գալով հայկական տեսակետներին: Մեծ Բրիտանիան ներկայացնող պատգամավորների մեծ մասը հպատակվեցին ՄԽ համանախագահների կոչին և երկու զեկույցներին դեմ քվեարկեցին: Դեմ էին նաև Ֆրանսիայի պատվիրակների մեծ մասը, իսկ հարևան Վրաստանը և Ուկրաինան զեկույցներին կողմ քվեարկեցին »,- մանրամասնեց Կ. Մանոյանը:
Հետևեք մեզ Viber-ում
