Քաբուլում գրոհայինները հարձակվել են CARE մարդասիրական կազմակերպության վրա
Քաբուլի կենտրոնում մի քանի անհայտ անձինք զավթել են CARE մարդասիրական կազմակերպության շենքը՝ հայտնում է TOLO հեռուստաալիքն իր թվիթերյան էջում։ Նշվում է, որ հարձակվողները ներթափանցել են շենք պայթյունից հետո, որը տեղի էր ունեցել երեկ երեկոյան։Ներկայում շենքում լսվում են պայթյունների ու կրակոցների ձայներ։ Քաղաքի ոստիկանապետ Աբդուլլա Ռահման Ռահմանիի խոսքով՝ շենքում գտնվող բոլոր գրոհայինները ոչնչացվել են։ Երեկ Քաբուլում տեղի էր ունեցել 3 պայթյուն, որոնք 30 մարդու կյանք էին խլել։ Վերոնշյալ պայթյունից բացի՝ երկու մահապարտներ իրենց պայթեցրել էին ՊՆ շենքի մոտ` հայտնում է Աֆղանստանի ՆԳՆ ներկայացուցիչ Սադիկ Սադիկին։ Պայթյունների պատասխանատվությունը ստանձնել է «Թալիբանը»։