Իրանի ԱԳՆ-ն` Ադրբեջանում մարդու իրավունքների խախտումների մասին
Իրանական «Թասնիմ» լրատվական գործակալության փոխանցմամբ՝ Իրանի ԱԳՆ մամլո խոսնակ Բահրամ Ղասեմին այսօր լրագրողների հետ հանդիպմանը, անդրադառնալով Ադրբեջանում մարդու իրավունքների խախտումներին, մասնավորապես նշել է. «Պետությունների ներքին խնդիրներն իրենց են առնչվում: Մենք տարածաշրջանի երկրներին նախազգուշացնում ենք, որ եթե իրենց երկրների օրենքների շրջանակներում գործող չափավոր մուսուլմանների հետ բիրտ ձևով վերաբերվեն, ապա դրա արդյունքում կծնվեն և կզարգանան ահաբեկչական նոր խմբավորումներ», հայտնում է panorama.am-ը: Շարունակելով խոսքը՝ Իրանի արտաքին գերատեսչության ղեկավարը հավելել է. «Կառավարություններին խորհուրդ ենք տալիս այն մուսուլմաններին, որոնք անձնագիր ունեն և շարժվում են օրենքի համաձայն, լավ վերաբերվել և թույլ չտալ, որպեսզի ահաբեկչական խմբերն օգտագործեն այդ մարդկանց»: Իրանական «Ղաֆղազ.իր» կայքի հաղորդմամբ՝ ազատազրկման մեջ գտնվող Ադրբեջանի իսլամական կուսակցության ղեկավար Մոհեն Սամադովի փաստաբանը հայտարարել է, որ Սամադովը բանտում գտնվում է խիստ վերահսկողության տակ, նրան բանտում հսկում են տեսախցիկներով:
Հետևեք մեզ Viber-ում
