«Թալիբան»-ները պայթել են իրենց իսկ տեղադրած ականների վրա
«Թալիբան» ահաբեկչական շարժման երեք զինյալներ Աֆղանստանում սեփական ականի ժամանակից շուտ պայթելու պատճառով մահացել են: Այս մասին հաղորդում է «ТАСС»-ը` հղում անելով «Սինհուա» գործակալությանը, որն էլ հղում է անում զինված ուժերում իր ներկայացուցչին: «Երեք թալիբներ փորձել են ական տեղադրել Կունդուզ նահանգում` ճանապարհի վրա: Նրանց թիրախն է եղել անվտանգության ուժերի շարասյունը: Սակայն ականը պատահականորեն պայթել է տեղադրման ժամանակ: Արդյունքում բոլոր երեքը տեղում մահացել են»,-հաղորդել է անվտանգության տարածքային ուժերի ներկայացուցիչ Նազրատուլլա Ջամշիդին: «Թալիբան» շարժումն ակտիվացել է այս տարվա ապրիլին` սկսելով հարձակումներ գործել միանգամից մի քանի նահանգներում, այդ թվում` Կունդուզում:
Հետևեք մեզ Viber-ում
