Արշակի փեսայի մրցակիցը ինքնաբացարկ ներկայացրեց

Սեպտեմբերի 18-ին Մասիսի քաղաքապետի ընտրություններին հայտ ներկայացրած ԲՀԿ-ական Կարապետ Օհանյանը ինքնաբացարկ է ներկայացրել։ Տեղեկություններ կան, որ մրցակից թիմը նրա նկատմամբ ճնշումներ է գործադրել։ Կարապետ Օհանյանը մեզ հետ զրույցում հերքել է ճնշումների մասին լուրերը, ասել է, թե իբր առողջական խնդիրների պատճառով է հրաժարվում շարունակել պայքարը. «Ոչ մի ճնշում չի եղել, ես ինքնաառաջադրվել եմ ու ինքնուրույն որոշել, որ չեմ կարող այդ ճանապարհը անցնել իմ առողջական խնդիրների պատճառով»,- ասել է Օհանյանը՝ նշելով, որ քիչ առաջ է հանել թեկնածությունը։ Այստեղ ՀՀԿ-ն առաջադրել է Դավիթ Համբարձումյանին, որը հայտնի «Թույների Մհերի»՝ Մհեր Համբարձումյանի որդին է և ՀԷՑ ՓԲԸ ՆՎՎ փոխտնօրենը: Դավիթ Համբարձումյանը նաև ոստիկանապետ Վլադիմիր Գասպարյանի թիկնազորի պետ Արշակ Հակոբյանի փեսան է: Առաջադրված թեկնածուներից մեկն էլ ոմն Լեւոն Խաչատրյան է, որը Դավիթ Համբարձումյանի ընկերոջ հայրն է։ hraparak.am