Կրկեսային ներկայացում Արթիկում

Թեպետ ամիսներ առաջ իշխող կուսակցության ներկայացուցիչները հորջորջում էին սահմանադրական բարեփոխումների կարեւորության մասին ու ընդգծում, որ կուսակցությունների դերի մեծացումը հանգեցնելու է բարձր որակի խորհրդարանի ու կառավարման համակարգի կայացման, սակայն ամիսներ հետո ՏԻՄ ընտրությունների նախապատրաստական գործընթացները ի չիք դարձրեցին այդ պնդումները: Ամրապնդվեց այն իրողությունը, որ Հայաստանում իրականում կուսակցական, քաղաքական համակարգ գոյություն չունի, որ կա նոմենկլատուրա ու տարբեր ժամանակներում, ելնելով տվյալ իրավիճակի թելադրանքից, որեւէ անձ, քաղաքական անհատ կարող է տարբեր թիմերում հայտնվել: Արթիկում ընտրությունները կրկեսային ներկայացում են խոստանում: Նախկին ԲՀԿ-ականը հանդես է գալու ՀՀԿ-ի դրոշի ներքո, ստանալու ՀՀԿ-ի աջակցությունը, իսկ ներկայիս ՀՀԿ-ականը ապաստան է փնտրելու այլ ճամբարներում: Արթիկ քաղաքում առաջադրման հայտ են ներկայացրել պատգամավոր Մուշեղ Պետոյանը, նա փետրվարյան հայտնի իրադարձություններից հետո ԲՀԿ-ն լքեց Ծառուկյանի օրինակով ու մինչեւ հիմա փաստաղթերով կուսակցական չի դարձելՆրան պաշտպանելու որոշում է կայացրել ՀՀԿ-ն: Պետոյանի հետ կպայքարի Մխիթար Վարագյանը, ՀՀԿ-ական նախկին պատգամավոր Վարագյանը Արթիկի նախկին քաղաքապետ Խաչատուր Վարագյանի եղբայրն է: Խորհրդարանական անցած ընտրություններին զգալի ձայներով պարտվել է Մուշեղ Պետոյանին: Մամուլում տեղեկություններ կան, որ ՀՀԿ-ից մերժված Վարագյանը քաղաքական նոր ապաստանի որոնման փնտրտուքների մեջ է: Ակտիվ բանակցություններ են գնում ԲՀԿ-ի հետ: ԲՀԿ-ից ոչ հերքել, ոչ հաստատել են տեղեկությունը: Դժվար չէ կռահել, թե ինչու է ՀՀԿ-ն <<քցել>> սեփական կուսակցին ու բռնել անկուսակցական Պետոյանին: Սա նշանակում է, որ ՀՀԿ-ն չի առաջնորդվում գաղափարներով ու սկզբունքներով, այլ միակ չափանիշը <<ձեռնատու>> լինելու սկզբունքն է: Վարագյանը վերջին տարիներին լքել էր հայրենիքը եւ կան տեղեկություններ, որ նա ֆնանսական ծանր կացությա մեջ է: Կուսակցությանն այդպիսի կուսակցականներ պետք չեն, եթե չպիտի կարողանան ընտրություններին հանուն կուսակցության օգտագործել անձնական ռեսուրսները: Փոխարենը ոչ վաղ անցյալում ԲՀԿ-ական Պետոյանի ահռելի ոնեցվածքի մասին բոլորը գիտեն: Նա Անապայում բիզնես ունի, պատգամավոր դառնալիս 2012-ին հայտարարագրել է անշարժ գույք՝ իր հողամասով, երկու ավտոմեքենա՝ «Toyota Land Cruiser» և «BMW X5» մակնիշների, երկու ընկերության բաժնեմաս, 60 հազար դոլար և 40 մլն դրամ դրամական միջոց, 2015-ին հայտարարագրել է 28 մլն դրամի եկամուտ եւ ամենեւին էլ չի ընդդիմանում ՀՀԿ-ի շարքերն անցնել: Նա մի քանի լրատվվամիջոցի հետ զրույցում ասել , որ ՀՀԿ-ից կուսակցական դառնալու առաջարկ ունի, բայց դեռ չի ուզում, անկուսակցական կարգավիճակը իրեն գոհացնում է: Պետոյանը ունի ՀՀԿ-ականին հարիր բոլոր հատկանիշները, օրինակ լինելով մեծ կարողության տեր անձնավորություն նրա ընտանիքը վերջերս պահանջել է պետբյուջեից փոխհատուցել իրենց կրած մի քանի հարյուր հազար դրամի վնասները:Նա այն նույն անձանցից է, ովքեր կրում են նոմենկլատուրային բնորոշ հատկանիշները: Անի Սահակյան