Կանադան Սաուդյան Արաբիային զենք կվաճառի

Կանադան կկատարի Սաուդյան Արաբիային 15 մլրդ դոլարի թեթև ռազմական տրանսպորտի մատակարարման պայմանագիրը՝ չնայած 47 մարդկանց զանգվածային մահապատժին։ Այս մասին СВС հեռուստաալիքի եթերում հայտարարել է Կանադայի արտգործնախարար Ստեֆան Դիոնը։ «Ընտրարշավի ընթացքում վարչապետը հստակ հասկացնել է տվել, որ մենք չենք չեղարկի այդ պայմանագիրը կամ ընդհանրապես պայմանագրերը, որոնք կնքվել են նախկին կառավարության կողմից… Մենք կվերանայենք ապագայում նման պայմանագրերի հավանության գործընթացը։ Այն, ինչ արվել է, արվել է, և այդ գործարքը մենք չենք փոխի»,- ընդգծել է նախարարը։ Հավելենք, որ կանադացի իրավապաշտպաններն արդեն տևական ժամանակ անհանգստություն են հայտնում այն առնչությամբ, որ Սաուդյան Արաբիայի իշխանությունները կարող են կանադական զենքը կիրառել սեփական ժողովրդի դեմ։ Սաուդյան կողմի պահանջով՝ ռազմական պայմանագրից մանրամասներ են հաղորդվում, այդ իսկ պատճառով Օտտավան գաղտնազերծել է շատ քիչ տեղեկություն մարդու իրավունքների պաշտպանության հաշվետվության եզրակացությունների վերաբերյալ, որը եղել է արտահանման թույլտվության համար բաղադրիչ մաս։ Պայմանագրի մասին հայտնի է միայն այն, որ դրա ընդհանուր գինը կազմում է 14.8 մլրդ դոլար, և Կանադայում մատակարարումը աշխատանքով կապահովի մոտ 3000 մարդու։