Պուտինն աջակցել է

TASS լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը հավանության է արժանացրել այն ավտոճանապարհի կառուցման նախագիծը, որը Հյուսիսային Կովկասի հանրապետությունները կկապի Սև ծովի հետ։ Այդ մասին խոսք է գնացել Ստավրոպոլում կազմակերպված Համառուսական ժողովրդական ճակատ միջտարածաշրջանային ֆորումի ժամանակ։ Պուտինը հայտարարել է. «Նախագիծը հայտնի է։ Եվ եթե այդ ճանապարհը կապում է Ռուսաստանի մի քանի շրջանները, ինչպես նաև Աբխազիայի հետ, ապա այն կբերի միայն օգուտ։ Դա լավ նախագիծ է։ Մենք դաշնային իշխանությունների կողմից պատրաստ ենք աջակցել դրան»։ «Կովկասի ժողովուրդների ռուսական կոնգրես» համառուսական հասարակական շարժման գործկոմի նախագահ Սուլթան Տոգոնիձեն իր հերթին հայտարարել է, որ Էլբրուսի զարգացման նախագիծը նախատեսում է լոգիստիկ ենթակառուցվածքի կառուցում, որը միմյանց կկապի Կաբարդինո-Բալկարիան, Ստավրոպոլի երկրամասը, Կարաչաևո-Չերկեսին ու Աբխազիային. «Այն նախատեսում է օդանավակայանի ու բուն ճանապարհի կառուցում, որը մեզ կկապի Աբխազիայի հետ՝ ընդհուպ մինչև Սուխում։ Տվյալ տարածաշրջանների համար սա զարգացման նոր փուլ է։ Մենք դուրս կգանք նավահանգիստ։ Նախագծի իրագործման հարցում արդեն իսկ արվել են որոշակի քայլեր։ Մեզ մոտ Չինաստանից ժամանել են մոր գործընկերները և արդեն իսկ ստորագրվել է տվյալ նախագծի իրագործման մասին հուշագիր։ Այն հավականոտ նախագիծ է»։ Ծրագրված է, որ ճեպընթաց ավտոճանապարհը Կարաչաևո-Չերկեսին ու Կաբարդինո-Բալկարիան կկապի Աբխազիայի սևծովյան ծովափի հետ։ Նախագիծը գնահատվում է 2.7 միլիարդ դոլար։