Խավիարի տեղը դուք էլ Արթիկտուֆ տարեք. Լևոն Շիրինյան

«Եթե  երկրի  ներսում  մենք  տեսնում  ենք  կառավարման  այս վիճակը, այս    տոհմացեղային հարաբերությունները  պետական  ապառատում, ապա    արտաքին  քաղաքականության  մեջ  այս  իրավիճակը  կարող  է  լինել»,-այսօր  Հայելի  ակումբում  քաղաքագետ  Լևոն  Շիրինյանը անդրադարձավ ԵԽԽՎ-ում  ներկայացված  հակահայկական  բանաձևերին`հիմնական  պատճառը  համարելով  մեր  ներքին  ու  արտաքին  սխալ  կառավարումը: «Այն  թափթփվածությամբ,  որ  կառավարվում  է  մեր  ներքին  կյանքը, այդպես  էլ  մեր  արտաքին քաղաքականությունն  է»,-հայտնեց  քաղաքագետը: Բանախոսը  առաջարկեց  ուսումնասիրել  պատվիրակության  անդամների  վերաբերյալ  նյութեր և  այդ  ժամանակ  հասկանալ՝  արդյոք  նրանք  կարող  են  կատարել  այդ  աշխատանքը: «Պարզեք,  թե  այդ   պատվիրակությանը  կազմը  տարիներով  ինչ մասնագիտական  որակ  ունի, քաղաքական  ինչ  դիրքորոշում ունի, ում  ընտանիքներից են: Պարզեք  և  կտեսնեք,  նրանք  կարող  են  այդ  աշխատանքը  անել, թե  ոչ»,-նշեց   Լևոն  Շիրինյանը: «Խնդիրը  նրանում  է, որ  աշխարհը  ինքնորոշման  իրավունք  չի  ուզում  ընդունել:Դա  մեզ  պարտավորեցնում  է, որ  եթե  Եվրոպան, կամ  մյուսները չեն  ուզում՝ մենք  պետք  է  ավելի  որակյալ  աշխատանք  կատարենք»,- հայտնեց քաղաքագետը`առաջարկելով կատարել ավելի  լուրջ  և  որոկյալ  աշխատանք: Լևոն  Շիրինյանը  առաջրկում  է   Ադրբեջանական  խավիարը  փոխարինենք  հայկական    Արթիկտուֆով: «Պարզվում  է  Եվրոպան  սպասում  է  Ադրբեջանի  խավիարին, անգլիացիներն էլ  անկուշտ են՝  նավթահոտ  խավիարի  համար  խելագարվում  են:Առաջարկում  եմ մենք  էլ  խավիարի  տեղը  Արթիկտուֆ   տանենք, շենքեր  կառուցենք  և  նվիրենք  այն  մարդկանց՝  ովքեր  մեր  կողմնակիցներն են  եղել»,-ասաց  քաղաքագետը: «Առարկայական  իմաստով  այն ոչ  մի  հետևանք  չունի, բայց  բարոյական   և  մթնոլորտի իմաստով  դա  կտա   իր   արդյյունքը»,-բանաձևերի  ընդունումից  հետո  սպավող արդյունքների  մասին  խոսեց  քաղաքագետը: Լուսինե   Միքաելյան