«Կա՛մ նա, կա՛մ մենք»
Թուրքիայի նախագահ Ռեջեփ Թայիփ Էրդողանը, նախօրեին մասնակցելով Գազիանթեփում տեղի ունեցած «Միասնականության և եղբայրության հանրահավաք»-ին, հայտարարել է, որ երկրի ամենատարբեր համակարգերում շարունակելու են աշխատանքից ազատել բոլոր նրանց, ովքեր երբևէ կապ են ունեցել ամերիկաբնակ թուրք կրոնական քարոզիչ Ֆեթուլլահ Գյուլենի խմբավորման հետ: «Ալլահի օգնությամբ մեր զինված ուժերում եղած ու զինվորական համազգեստի տակ պատսպարված այդ դավաճանները կմաքրվեն այս երկրից: Ոստիկանության համակարգից էլ են դրանք մաքրվելու: Եթե իրենք իրենց ոտքով չլքեն համակարգը, մենք կգտնենք ու կմաքրենք նրանցից մեր շրջապատը: Գտնելու ենք և «արմատախիլ» անենք ՝ ինչպես քաղցկեղը», - ԹԵՐԹ.ամ-ի փոխանցմամբ՝ ասել է նա: Էրդողանը հայտնել է, որ իրենք շարունակում են պայքարել, որպեսզի Ֆեթուլլահ Գյուլենն արտահանձնվի Թուրքիային, և հավելել է, որ կխզեն իրենց կապերը Գյուլենի կողքին կանգնած բոլոր երկրների հետ: «Աշխարհի բոլոր երկրների առաջնորդներին ասել ենք՝ կա՛մ նա, կա՛մ մենք», - հայտարարել է Էրդողանը:
Հետևեք մեզ Viber-ում
