Երեխան օրվա երկրորդ կեսին կարող է և գնալ կրկնուսույցի մոտ՝ դա իր իրավունքն է. Ն. Հովհաննիսյանն ավագ դպրոցի փոփոխությունների մասին

Նոր ուսումնական տարին հանրապետության դպրոցներում կմենարկի մի շարք նորամուծություններով: Փոփոխություններից ամենառադիկալը կատարվել է ավագ դպրոցի ուսումնական ծրագրում. այս ուսումնական տարվանից սկսած ավագ դպրոցների աշակերտները 6-ի փոխարեն կհանձնեն 3 ավարտական քննություն՝ «Հայոց լեզու և հայ գրականություն», «Մաթեմատիկա»,  «Հայ ժողովրդի պատմություն»  առարկաներից: Նրանք նշված առարկաներից ավարտական քննությունները կհնաձնեն դեկտեմբերին: Իսկ արդեն հունվարից ավագ դպրոցների աշակերրտները պարտավոր են ընտրել առանվազն 3 առարկա՝այն  առարկաները,  որոնք նրանց անհրաժեշտ են բուհ ընդունվելու համար:  Այս մասին <<Արմենպրես>> մամուլի սրահում հրավիրված ասուլիսի ժամանակ հայտարարել է ԿԳՆ հանրակարթության վարչության պետ Նարինե Հովհաննսիյանը: Վարչության պետը չի բացառել, որ փորձնական նպատակով արված այս փոփոխությունը հետագայում կարող է նաև շարունակություն ունենալ և  տարածվել 12-րդ դասարանի ուսումնական ծրագրի վրա մբողջությամբ. «Սա ռիսկային  քայլ էր, մենք հնեց այս տարվանից սկսած չէինք կարող 12-րդ դասարանից հիմնական դասաժամերն ընդհանրապես հանել, որովհետև կրթական չափորոշիչով նախատեսված ծրագիրն, այդ դեպքում հնրավոր չէր լինի ապահովել: Բայց հետագայում, ես չեմ բացառում, որ ավագ դպրոցի հիմնական ծրագիրը սովորողները կավարտեն 11-րդ դասարանում և 12-րդ դասարանն ամբողջությամբ կնվիրվի  ծրագրի կրկնությանը՝ իրենց ընտրած առարկաների համար»,- տեղեկացրել է Ն. Հովհաննիսյանը և հավելել, որ սա հնարավորություն կտա ավագ դպրոցի սովորողին հեշտությամբ, անգամ առանց կրկնուսույցի մոտ պարապելու  հաղթահարել բուհ ընդունվելու պատնեշը: «Եթե դասախոսի տանը սովորողը շաբաթական երկու կամ էլ լավագույն դեպքում չորս ժամ է պարապելու, ապա  դպրոցում 5 ամիս շարունակ՝ հունվար-փետրվար, մարտ, ապրիլ, մայիս ամիսներին, ամեն օր՝ իր ընտրած յուրքանչյուր առարկան երկու ժամով՝ այսինքն շաբաթական 10 ժամ  կուսումնասիրի»: Նարինե Հովհոննիսյանը հավատացած է, որ ավագ դպրոցներում աշխատող մանկավարժների մասնագիտական որակը բավարար է  կրկնուսույցի մակարդակով, դեռ մի բան էլ ավել ապահովել բուհական ընդունելության կրթական ծրագիրը: Այնուամենայնիվ՝ արդյոք այս փոփոխություններն արվել են  կրկնուսույցների դեմ պայքարի համատեքստում և սա իսկապե՞ս նրանց վերջն է. «Մենք պայքարելու խնդիր երբեք չենք ունեցել և երբեք չենք հայտարարել, որ պայքարում ենք կրկնուսույցների դեմ: Երեխան օրվա երկրորդ կեսին կարող է  գնալ կիկնուսույցի մոտ՝ դա իր իրավունքն է:Մենք երկրորդ կիսամյակում երեք առարկա կրկնելու ծրագիրը չենք արել նրա համար, որ աշակերտները չգնան պարապելու: Մենք այս ամենն արել ենք, որ աշակերտը դպրոց գա, ստանա համապատասխան գիտելիք և հավատա,  որ առանց կրկնուսույցի կարող է ընդունվել բուհ: Մենք դեռ նոր ենք սկսել, միանշանակ մի օր այս համակարգը փոխարինելու է կրկնուսույցներին: Մենք նույնիսկ այսօր էլ ունենք ավագ դպրոցների բազմաթիվ աշակերտներ, ովքեր այլևս բուհի համար չեն պարապում կրկնուսույցների մոտ»,- հավատացրել է  Ն. Հովհաննիսյանը և դիմելով լրագրողներին հարցրել,-«Եթե դուք ձեր շրջապատում ունեք ծանոթ դասախոսներ, ովքեր պարապում են, հարցրեք իրենց՝ իրենց մոտ պարապողները չե՞ն քչացել: Բազմաթիվ դասախոսներ կան, որ ուղղակի աշակերտներ չունեն. նախկինի  համեմատ նրանց թիվը շատ քչացել է»: Տնօրենները քննություն կտան մեկ անգամ Հանարակրթության վարչության պետի տեղեկացմամբ՝  փոփոխություններ են կատարվելու նաև  4-րդ և 9-րդ դասարանների փոխադրական և ավարտական կարգում. չորրոդ դասարանում աշակերտները թեստային քննության փոխերեն կհանձնեն  գիտելիքների ստուգում, իսկ 9-րդ դասարանում ավարտական փոխադրական քննությունների թիվը դարձյալ կկրճատվի. Կարծես թե՝ ավելի շատ մոտենում ենք հին տարբերակին: Իներորդ դասարանում գրավոր կլինի «Մաթեմատիկա» առարկայի քննությունը,  «Հայոց լեզու»  առարկայի քննությունը նախկինի պես կլինի փոխադրություն,  իսկ «Հայ գրականությունը» կլինի բանավոր»,-մանրամասնել է Ն. Հովհաննիսյանը: Փոփոխություններ է կատարվել  նաև տնօրենների հավաստագրման կարգում: Այն տնօրենները, ովքեր արդեն հավաստագիր են ստացել, երկրորդ անգամ հավաստագրման քննություն չեն հանձնի՝ նրանք հավաստագիր կստանան  վերապատրաստումների  միջոցով. «Այսինքն՝  նույն անձը 5 տարին մեկ քննություն չի հանձնելու: Եթե նա մեկ անգամ արդեն հանձնել է այդ քննությունը՝ բանավոր և գրավոր,  հետագայում նա հավաստագիր կստան վերապատրաստման արդյունքում: Այս փոփոխությունը կատարվել է հաշվի առնելով մանկավարժների և տնօրենների առաջարկությամբ»: Փոփոխություն է նախատեսվում նաև  ուսուցիչների ընտրության  մրցութային կարգում. Նախատեսվում է պարզեցնել ընթցակարգը: Ըստ այդմ՝  ուսուցչի ընտրությունը կկատարվի միայն հարցազրույցի միջոցով,  և եթե առաջին անգամ մրցույթը չկայանա  կամ  հաղթող չճանաչվի, ապա  դպրոցը նոր մրցույթի կազմակերպման ժամանակ կրկին հայտարարություն  տալու պարտավորություն չի ունենա, քանի որ դա բացասաբար է անդրադառնում դպրոցների բյուջեների վրա: Կարինե Սարիբեկյան