Թունիսի խորհրդարանը հաստատել է նոր կառավարության կազմը

Թունիսի Ժողովրդական ներկայացուցիչների վեհաժողովը (խորհրդարան) հաստատել է ազգային միասնության կառավարության կազմը՝ Յուսեֆ Շահեդի գլխավորությամբ: Նրա թեկնածության օգտին քվեարկել են խորհրդարանականներից 167-ը, դեմ՝ 22-ը, 5-ը ձեռնպահ է մնացել, փոխանցում է «Սինհուան»: Նոր կառավարության կազմի մեջ են մտել 26 նախարարներ եւ 14 պետական քարտուղարներ, այդ թվում՝ 8 կին եւ 14 երիտասարդ: 1956 թվականին Ֆրանսիայից Թունիսի անկախանալուց ի վեր 40-ամյա Շահեդը երկրի ամենաերիտասարդ վարչապետն է: