Չինաստանի ամենահարուստ մարդու՝ Մա Յունի հաջողության գաղտնիքը

Մա Յունը (Ջեք Մա)՝ Ասիայի ամենախոշոր ինտերնետ-ընկերության՝ Alibaba Group-ի հիմնադիրը, տնօրենների խորհրդի նախագահը և ղեկավարը, առաջին գործարարն է Չինաստանից, ում նկարը հայտնվել է Ֆորբս ամսագրի շապիկին։ Նա Չինաստանի ամենահարուստ մարդն է։ Տեղ է զբաղեցնում աշխարհի ամենահարուստ մարդկանց 20-յակում: Ներկայացնում ենք հաջողության հասնելու Մա Յունի բանաձևը.     Ջեք Մա. «Սխալներ, որոնց համար զղջում եմ» 2001 թվականին ես մեծ սխալ եմ գործել: Ես իմ աշխատակիցներին, որոնց հետ հիմնել եմ կազմակերպությունս, ասացի, որ մեր կազմակերպությունում իրենց մասնագիտական գործունեությունը սահմանափակվում է մենեջերի մակարդակով:  Փոխնախագահի մակարդակով թոփ-կառավարիչների աշխատանքի վերցնելու համար ես կարծում էի, որ պետք է մասնագետ վարձել դրսից: Այժմ դրսից վարձած մասնագետներից և ոչ ոք չի աշխատում մեր կազմակերպությունում, դրա փոխարեն՝ այն մարդիկ, որոնց ուժերի վրա կասկածում էի, հիանալի կերպով կարողանում են կատարել փոխնախագահի և ավելի բարձր պաշտոնի աշխատանքներ: Ես մի սկզբունք ունեմ, որին միշտ հետևում եմ. «Քո աշխատանքի հանդեպ վերաբերմունքն ու որոշումները, որոնք դու կայացնում ես, պետք է լինեն ավելի կարևոր, քան հնարավորություններդ»: Դու չես կարող բոլորին ստիպել, որ նույն կերպ մտածեն, բայց դու կարող ես բոլորին ստիպել հավատալ մեկ ընդհանուր նպատակի: Նույնիսկ չփորձեք ստիպել ձեր աշխատակիցներին նույն կերպ մտածել, դա անհնար է: Ձեր աշխատակիցների 1/3-ը Ձեզ չի հավատում: Համախմբեք նրանց մեկ ընդհանուր նպատակի շուրջ: Ավելի հեշտ է մարդկանց համախմբել մեկ ընդհանուր նպատակի շուրջ, քան մեկ ընդհանուր առաջնորդի: Եթե խորհրդակցության ժամանակ ներկաների 90%-ն այս կամ այն առաջարկի օգտին է քվեարկում, ես այն նետում եմ աղբամանը: Պարզ մի պատճառով. եթե բոլորն այդքան պարզ նկատում են այդ հնարավորությունը, ամենայն հավանականությամբ, դրա շուրջ աշխատում են շատ այլ կազմակերպություններ նույնպես, և մենք այդ հարցում այլևս առաջատար լինել չենք կարող: