Ջրհեղեղ՝ Հնդկաստանում. կան զոհեր

Առնվազն 15 մարդ է մահացել ջրհեղեղների հետևանքով, որոնք առաջացել են հորդառատ անձրևների պատճառով Հնդկաստանի կենտրոնական և հյուսիսային մասերում, գրում է РИА Новости-ն: Վեց անձից բաղկացած ընտանիքը մահացել է շաբաթ առավոտյան տան փլուզման հետևանքով: Եվս 6 մարդ մահացել է, երբ նրանց մեքենան ընկել է հեղեղված փոսը Միրզապուր քաղաքում` Ութար Փրադեշ նահանգում: Նույն նահանգի Վարանասի քաղաքում հեղեղված տան փլուզման հետևանքով մահացել է 3 մարդ: Աղբյուրը հայտնում է, որ անձրևները հանգեցրել են ավելի քան 20 տան փլուզման, 3 մարդ վիրավորվել է: Նահանգների իշխանությունները խնդրել են մարդկանց ժամանակավոր հեռանալ անվտանգ վայրեր: Առավել տուժած շրջաններում տարվում են փրկարարական աշխատանքներ: